23.03.2021

“Жўйбори калон” аёл-қизлар ўрта махсус ислом ислом таълим муассасаси фаолияти

Ҳозирги кунда билим юрти талабаларига 21 нафар мударрису мударрисалар дунёвий илмлар билан бир қаторда Қуръон, ҳадис, фиқҳ, ислом тарихи, ақоид, араб тили (сарф, наҳв), хаттотлик каби фанлардан сабоқ бераётир. Шу жумладан билим юрти талабалари Республика миқёсида ўтказиб келинаётган қорилар мусобақаси, фан олимпиада, “Баркамол авлод” спорт мусобақаларида ва анжуманларда қатнашиб фахрли ўринларни олиб келмоқдалар. Шунингдек, талабаларга пазандалик, бичиш-тикиш, тўқиш каби ҳунарлар ҳам ўргатилади. 2016 йил январь ойидан химия-физика лабаратория хонаси ташкил қилинди. Билим юртининг хавфсизлигини таъминлаш мақсадида 4 та видео камералар ва синф хоналарига совитгичлар ўрнатилди.

2015 йилда билим юрти АРМи 2 хонадан иборат бўлиб, биринчиси асосий кутубхона, иккинчиси қироат хонаси. Билим юртида 2016 йилга қадар 3064та махсус фанлардан дарслик, 1137 та умумтаълим фанлардан ўқув қўлланма ва дарсликлар, 395 бадиий китоблар, 1687 та илмий оммабоп, 1597 та Президент асарлари ва ижтимоий сиёсий китоблар, 1650 та араб тилида илмий адабиётлар 9130 та китоб захирасига эга бўлган кутубхона мавжуд эди. 2015 йил АРМ қироат хонаси янги(14та) китоблар жавони билан таъминланиб кутубхона иккига (умумтаълим ва махсус фанлар) ажратилди, 2 та компьютер ва принтер билан жиҳозланган АРМ хоналари талабалар ихтиёрига топширилди.

100 ўринли ошхона, 25 ўринли дам олиш хонаси, 8 та фан хоналари, 15 ўринли маънавият ва маърифат хонаси, 16 ўринли компьютер хонаси, спорт майдончаси, масжид, қироатхона, янги таъмирдан чиқарилган 9 та талабалар турар жойи хоналарида 2 қаватли краватлар ва тўшаклар, айвон, билим юртининг барча қисми замонавий иссиқлик манбаи билан таъминланган, замонавий жиҳозлар билан жиҳозланган ҳамшира хонаси, таҳоратхона, билим юрти талабалари учун озиқ-овқат сақлаш хонаси ҳам талабалар хизматида.

Мадраса 1998 йил Ўзбекистон Республикаси Адлия Вазирлигидан расмий рўйхатдан ўтди ва Вазирлар Маҳкамаси ҳузуридаги Дин ишлари бўйича қўмитасининг махсус лицензиясини ҳам олиб, Бухоро вилояти ҳокимлигидан рўйхатдан ўтказилди.

Вазирлар Маҳкамасининг 2003 йил 22 августда чиқарилган “Дин соҳасидаги маънавий ва маърифий, таълим ишларини ва фаолиятни янада такомиллаштиришда ижтимоий ва имтиёзлар бериш тўғрисида”ги Қарорига биноан Ислом маъҳади ва ислом ўрта махсус билим юрти битирувчиларига бериладиган дипломлар давлат таълим ҳужжати сифатида эътироф этилди ҳамда ана шу ҳужжат (диплом)га эга бўлган шахсларга олий ўқув юртларига кириш ҳуқуқи берилди. Шу қарорга мувофиқ билим юртини тамомлаган талабалар орасида олий ўқув юртларида ўқишни давом эттираётганлар ҳам бор.

Izoh qoldirish

Izohlar

25.06.2022 20:30
Madrasaga Ustozalikka o'rin bormi? Madrasa Tishkentdamj .Qaysi Universitet bakalavr diplomi bolish kk ishga qabul un
25.06.2022 20:30
Madrasaga Ustozalikka o'rin bormi? Madrasa Tishkentdamj .Qaysi Universitet bakalavr diplomi bolish kk ishga qabul un
23.03.2022 23:21
Bo‘sh ish o‘rni bormi ,qanday ish bo‘lsa ham
23.03.2022 23:20
Bog‘lanish uchun 33 709 09 99
23.03.2022 23:19
Bo‘sh ish o‘rni bormi ,qanday ish bo‘lsa ham